Respublika Gününə həsr olunmuş tədbir keçirmişdir.
Qusar rayon İcra Hakimiyyəti və YAP Qusar rayon təşkilatının birgə təşkilatçılığı ilə rayon rəsm qalereyasında Respublika Günü münasibətilə tədbir keçirmişdir.
Tədbirdə çıxış edən YAP Qusar rayon təşkilatının sədri David İbramxəlilov Xalq Cümhuriyyətinin Azərbaycanın müstəqillik tarixindəki əhəmiyyətindən söz açmış,xalqımız tərəfindən ilk Demokratik Respublika yaradıcılarının Xatirəsini həmişə əziz tutduğunu qeyd etmişdir.
Natiq bildirmişdir ki,Ulu Öndər Heydər Əliyev Xalq Cümhuriyyətini müasir müstəqil Azərbaycanın varisi adlandırmışdır.
D.İbramxəlilov çıxışı zamanı qeyd etmişdir ki,Prezident İlham Əliyevin Sərəncamı ilə 2018 – ci il “Azərbaycan Xalq Cümhuriyyəti ili”elan olunmuş,Cümhuriyyətin 100 illiyi ölkəmizdə böyük təntənə ilə qeyd olunmuşdur.
Tədbirdə bu il Respublika gününü 44 günlük Vətən müharibəsində Ali Baş Komandan İlham Əliyevin rəhbərliyi ilə qazanılan tarixi Qələbədən sonra xoş əhval – ruhiyyədə bayram edildiyi qeyd olunmuşdur.
Sonra tədbir iştirakçıları rəsm qalereyasında təşkil edilmiş “Doğma Vətənim Azərbaycan”adlı fotosərgi ilə tanış olmuşdur.
