Aşağı İmamqulukənd kənd sakinləri ilə görüş keçirilib
19 fevral 2026 | 16:18
Səyyar qəbulda Qusar Rayon İcra Hakimiyyətinin başçısı Sahir Məmmədxanov, RİH Başçısı Aparatının məsul şəxsləri, rayonun hüquq-mühafizə orqanlarının, idarə, müəssisə və xidmət sahələrinin rəhbərləri, kənd sakinləri iştirak etmişdir. Görüşdə sakinlər müxtəlif məsələlərlə bağlı müraciətlərini rayon rəhbərinə bildiriblər. Qəbul zamanı istismara yararsız elektrik dirəklərinin yenilənməsi və digər məsələlərlə bağlı müraciətlər səsləndirilib.
İcra başçısı qaldırılan məsələlərin həlli ilə bağlı müvafiq göstərişlərini verib, həmçinin kənd sakinlərinin həyat şəraiti və məşğuliyyəti, şagirdlərin təhsil göstəriciləri ilə maraqlanıb.
Sakinlər onlara göstərilən diqqət və qayğıya, rayon ərazisində həyata keçirilən infrastruktur layihələri, abadlıq-quruculuq işləri və sakinlərin həyat şəraitinin yaxşılaşdırılması istiqamətində həyata keçirilən tədbirlərə görə rayon rəhbərliyinə minnətdarlıqlarını bildiriblər.
Keçidlər
