“Beynəlxalq Ana Dili Günü”nə həsr edilmiş silsilə tədbirlər keçirilib
21 fevral 2025 | 18:08
21 Fevral 2025-ci il tarixdə Qusar Rayon İcra Hakimiyyətinin dəstəyi, Quba-Xaçmaz Regional Mədəniyyət İdarəsi Qusar rayon Mədəniyyət Mərkəzinin, Qusar rayonu üzrə Təhsil Sektorunun təşkilatçılığı ilə rayonun ümumtəhsil və mədəniyyət müəssisələrində 21 Fevral Ana Dili Günü ilə əlaqədar silsilə tədbirlər keçirilib.
“Ana dilimizi qoruyaq”, “Dil bizim milli sərvətimizdir”, “Ana dilimizi sevək, qoruyaq” adlı silsilə tədbirlər çərçivəsində şeir müsabiqələri, ədəbi-bədii kompozisiyalar, bilik yarışları, “Dəyirmi masa”lar təşkil olunub.
Tədbirlərdə Azərbaycan dilinin tarixi inkişaf mərhələləri, rəngarəngliyi, doğma dilimizdə yaradılan əsərlər barədə şagirdlərə və digər tədbir iştirakçılarına məlumat verilib. Milli-mənəvi dəyərlərimizlə yanaşı ana dilimizin gözəlliyinin, saflığının qorunmasının və inkişaf etdirilməsinin vacibliyi vurğulanıb. Şagirdlərin ifasında ana dilinə həsr olunan ədəbi-bədii kompozisiyalar, rəqs nümunələri və teatr səhnəcikləri nümayiş etdirilib, dil haqqında şeirlər səsləndirilib.
Tədbirlərdə çıxış edənlər ana dilimizin xalq danışıq dili kimi keçdiyi zəngin inkişaf tarixinə nəzər salaraq, dilimizin təkmilləşməsi, inkişafı istiqmətində, xüsusilə gənc nəslin üzərinə düşən vəzifələrdən bəhs ediblər.
Keçidlər
