Növbəti səyyar qəbul Xuray kəndində keçirilmişdir
Xuray kəndində keçirilən qəbulda kənd sakinləri ilə yanaşı RİHB Aparatının məsul əməkdaşları, rayonun hüquq-mühafizə orqanllarının, bir sıra idarə və müəssisələrinin rəhbərləri də iştirak etmişdir. Kənd sakinləri məktəb binasında cari təmir işlərinin aparılmasını, qəzalı vəziyyətdə olan işıq dirəklərinin və elektrik naqillərinin yeniləri ilə əvəz olunmasını, Xuray kəndinin aşağı massivinə su xətlərinin çəkilməsini, kənddaxili yollarının təmiri, internet sürətinin zəif olması və digər məsələlərlə bağlı müraciətlər səsləndirilmişdir. Vətəndaşlar tərəfindən qaldırılan məsələlərin bir qisminə aidiyyatı üzrə idarə və təşkilat rəhbərləri tərəfindən müvafiq izahat verilmiş, digər problemlərinin aradan qaldırılması üçün lazımi köməkliyin göstəriləcəyi bildirilmişdir.
