Qusar rayon İcra Hakimiyyətinin başçısı rayonun Quxuroba kəndində sakinlərlə görüşmüşdür
Qusar rayon İcra Hakimiyyətinin başçısı Şair Alxasov rayonun Quxuroba kəndində vətəndaşların səyyar qəbulunu keçirmişdir. Qəbulda kənd sakinləri ilə yanaşı RİHB Aparatının əməkdaşları, rayonun hüquq-mühafizə orqanlarının, bir sıra idarə və müəssisələrinin rəhbərləri də iştirak etmişdir. Kənd sakinləri yeni tibb məntəqəsinin tikintisini, kənd yollarının və elektrik xətlərinin təmiri, 1 ədəd yeni elektrik transformatorun quraşdırılması, uşaq bağçasının tikintisi və digər məsələlərin həllinə köməklik göstərilməsini xahiş etmişdir. Sakinlər tərəfindən qaldırılan məsələlər dinlənilmiş, bir sıra məsələlərlə bağlı müvafiq izahat verilmiş, digər problemlərin həlli üçün rayon rəhbəri tərəfindən əlaqədar idarə və təşkilat rəhbərlərinə tapşırıqlar verilmişdir.
