Rayonun ümumtəhsil müəssisələrində maarifləndirici tədbirlər silsiləsi davam etdirilir
27 oktyabr 2026 | 18:13
Müasir təhsil sisteminin qarşısında dayanan vəzifələr təkcə tədris proqramının mənimsədilməsi ilə məhdudlaşmır, həm də şagirdlərin milli-mənəvi dəyərlər, tarixi yaddaş, vətəndaşlıq məsuliyyəti və dövlətçilik təfəkkürü kimi ali keyfiyyətlər əsasında formalaşdırılmasını özündə ehtiva edir ki, məhz bu səbəbdən də Qusar rayonunun ümumtəhsil müəssisələrində müxtəlif mövzularda maarifləndirici tədbirlərin ardıcıl təşkili artıq ənənə halını almışdır.
Oktyabrın 26-da Qusar rayonunun Balaqusar kənd tam orta ümumtəhsil məktəbində “Müstəqil Azərbaycan milli qürurumuz və gələcəyimizdir” mövzusunda tədbir təşkil olunmuşdur. Tədbir çərçivəsində Azərbaycanın dövlət müstəqilliyinin tarixi əhəmiyyəti, müstəqilliyin qorunub saxlanılması və möhkəmləndirilməsi istiqamətində həyata keçirilən məqsədyönlü siyasət, milli-mənəvi dəyərlərimizin yad təsirlərdən qorunması və gənc nəslin vətənpərvərlik ruhunda tərbiyəsinin vacibliyi kimi məsələlər təhlil edilmişdir.
Tədbirin sonunda Azərbaycanın dövlət müstəqilliyinin bərpası və 44 günlük Vətən müharibəsində qazanılan tarixi Zəfərə həsr olunmuş intellektual breyn-rinq yarışı keçirilmişdir.
Bu ideya xəttinin məntiqi davamı olaraq, Qusar şəhər 5 saylı tam orta ümumtəhsil məktəbində “Müstəqil Azərbaycan - milli qürurumuz və gələcəyimizdir” mövzusunda tədbir keçirilmişdir. Tədbirdə məktəbin fəal şagirdlərindən birinin timsalında bütün şagird kollektivi adından səsləndirilən və tədbirin leytmotivini təşkil edən fikirdə deyilirdi:
“Mən müstəqil Azərbaycanın övladıyam. Mənim üçün Vətən anlayışı təkcə doğulduğum torpaqdan ibarət deyil, həm də ana dilim, şanlı tarixim və milli dəyərlərim deməkdir. Azərbaycanın gələcəyinin daha parlaq olması üçün mən yaxşı oxumalı, bilik və bacarıqlarımı inkişaf etdirməli, ölkəmə faydalı vətəndaş olmağa çalışmalıyam. Çünki Azərbaycanın sabahı bugünkü gənclərin bilik və zəhmətindən asılıdır.”
Keçidlər
