RİH başçısı rayonun Aşağı İmamqulukənd kəndində vətəndaşlarla görüşüb
RİH başçısının növbəti səyyar qəbulu rayonun Aşağı İmamqulukənd kəndində keçirilib. Qəbulda kənd sakinləri Quxuroba-Şirvanlı avtomobil yolunun əsaslı təmiri, elektrik enerjisinin verilişində mövcud fasilələrin aradan qaldırılması məqsədilə istismara yararsız işıq dirəklərinin və naqillərinin yeniləri ilə əvəz edilməsi, yay aylarında suya olan tələbatın ödənilməsi və su itksinin qarşısının alınması üçün suvarma kanallarına beton üzlük çəkilməsi, içməli su təminatının yaxşılaşdırılması, uşaq bağçasının və idman meydançasının təmiri və digər məsələlərin həlli ilə bağlı rayon İcra Hakimiyyətinin başçısına müraciət ediblər. Rayon İcra Hakimiyyətinin başçısı sakinlər tərəfindən qaldırılan məsələlərlə bağlı aidiyyatı qurumların rəhbərlərinə müvafiq göstərişlər vermiş, həlli üçün zəruri tədbirlər görüləcəyini bildirmişdir. Qəbulda kənd sakinləri ilə yanaşı RİHB Aparatının əməkdaşları, bir sıra idarə və müəssisələrin rəhbərləri də iştirak etmişdir.
