Şəhid Tural Əhmədovun xatirəsi anılıb
23 oktyabr 2025 | 14:49
Oktyabrın 23-də Qusar rayonunun Mucuq kəndində şəhid Tural İzətulla oğlu Əhmədovun anım mərasimi keçirilmişdir. Şəhidin məzarı ziyarət olunmuş, xatirəsi ehtiramla yad edilmişdir.
Şəhid Əhmədov Tural İzətulla oğlu 5 iyun 2001-ci ildə Qusar rayonunun Mucuq kəndində anadan olmuşdur. Azərbaycan Ordusunun əsgəri olmuş Tural Əhmədov 44 günlük Vətən müharibəsi zamanı Xocavəndin və Füzulinin azadlığı uğrunda gedən döyüşlərdə savaşmış, oktyabrın 22-də Füzuli döyüşləri zamanı şəhid olmuşdur. 23 oktyabr 2020-ci ildə Qusar rayonunun Mucuq kəndində dəfn olunmuşdur.
Ölümündən sonra “Cəsur döyüşçü” medalı, “Vətən uğrunda”, “Füzulinin azad olunmasına görə” medalları, “Azərbaycan Bayrağı” ordeni, “Kəlbəcərin azad olunmasına görə” medalı ilə təltif olunmuşdur.
Keçidlər
