Xuray kəndində sakinlərlə görüş keçirilib
Qusar rayon İcra Hakimiyyətinin başçısı Sahir Məmmədxanov Xuray kənd sakinləri ilə görüşüb. Görüşdə həmçinin Milli Məclisin deputatı, RİH başçısı Aparatının əməkdaşları, hüquq-mühafizə orqanlarının rəhbər şəxsləri, müvafiq kənd inzibati ərazi dairəsi üzrə nümayəndə və bələdiyyə, kənd sakinləri iştirak ediblər.
Sakinlər Qusar-Xuray marşrut avtobusunun işləməməsinin gündəlik həyatlarında onlar üçün problem yaratdığını qeyd ediblər. Həmçinin Xuray kəndinə Cağar-Cibir kanalından gələn suvarma su xəttinin əsaslı təmiri, qəzalı vəziyyətdə olan elektrik dirəklərinin dəyişdirilməsi ilə bağlı müraciətlərini ediblər. Sakinlər pay torpaqlarının təmizlənməyə icazə verilmədiyini, çaydan təsərrüfat məqsədilə daş, qum götürməyin çətin olduğunu vurğuladılar.
RİH başçısı bütün müraciətləri dinləyərək aidiyyəti üzrə tapşırıqlarını verib.
Səmimi və diskusiya şəraitində baş tutan görüş sakinlər tərəfindən rəğbətlə qarşılanıb.
